Жер мәселесі өзекті

Soltüstık Казахстан

 Kyzylzhar_akparat@mail.ru

Жер дауы – көптің көкейінде жүрген мәселе. Әсіресе бір кез­дері заңсыз жолмен көлденең көк ат­ты­ның қолында кеткен жерлерді қайтару ауылдағы ағайын­ның бас ауруына айнал­ғалы қашан. Әділдік іздеп бармаған жерлері, баспаған таулары жоқ. Сотта біресе жеңіп, біресе жеңілген халық кімге шағымда­нарын білмей дал.

Жуырда Орталық коммуника­циялар қызметінде облыс әкімі Ғауез Нұрмұхамбетовтің қатысуымен өт­кен баспасөз мәслихатында бұқара­лық ақпарат құралдарының өкілдері Ба­луан ауылының жеріне қатысты сұ­рақ қойған болатын. Облыс әкімі Ғауез Нұрмұғамбетов бірқа­тар аудандардың тұрғындарын қабылдады. Кездесуге құқық қор­ғау органдарының да өкілдері қатысты.

Өңір басшысының жеке қабылдауына келген Шал ақын ауданында­ғы Балуан, Ғабит Мүсірепов атында­ғы ауданның Тахтоброд, Сокологоровка және Чистополье ауылдарының тұр­ғындары қордаланған мә­селенің мән-жайын баяндады.

 Сонымен қатар онлайн режімде “Тәуекел” қоғамдық бірлестігінің басшысы, блогер Бурахан Дақанов қоныс аудару мәселесі бойынша өз ұсыныстарын айтып, оларды шешу жолдары талқыланды.

Аманжол НҰРТАЗИН,

“Soltüstık Qazaqstan”.