Soltüstık Казахстан
Үкімет тапсырмасы бойынша Қазақстанның үш өңірінде электрондық форматта ауыл тұрғындарына несие беру бойынша “Ауыл аманаты” қанатқақты жобасы басталды. Бұған дейін ауыл тұрғындарына несие беру “Қолдау” платформасы арқылы ақылы жүргізілді.
Бұдан басқа ауыл шаруашылығы жануарларын бірдейлендіру базасына алты қосымша сервис қосылды, бұл мал шаруашылығы саласында “туғаннан союға дейін” толық қадағалауды қамтамасыз етеді.
Осылайша электронды форматта жануарға жеке нөмір тіркеуге және беруге, профилактикалық шаралар жүргізуге, жануарды иелену процесін және карантинде болуын көруге, жануарларды союға жіберуге болады. Қазіргі уақытта ветеринария мен бақылау жұмыстарына көмектесетін қызметтер енгізілуде.
Ауыл шаруашылығы министрлігі “Азаматтарға арналған үкімет” КЕАҚ-да бірыңғай көлік базасын біріктіруге және құруға қол жеткізді. Қазіргі уақытта Алматы облысында қанатқақты жоба енгізілуде. Онда ауыл шаруашылығы техникасы бойынша мәмілелер әкімдіктерде емес, “Бірыңғай терезе” шеңберінде арнайы ХҚКО-да жүргізіледі.
Әсет ҚАНАФИН.