ЕЛ ЫРЫСЫ – ЕГІНДЕ

Ауыл шаруашылығы, тамақ және өңдеу өнеркәсібі қызметкерлері күніне орай өткен жиын өңірдің агроөнеркәсіптік саладағы жетістіктерін қорытындылаудан басталды. Салтанатты шараға қатысқан өңір басшысы Ғауез Нұрмұхамбетов биыл диқандар су тасқынына қарамастан көктемгі дала жұмыстарын уақытында аяқтағанын жеткізді. Зардап шеккен шаруаларға мемлекет тарапынан несие төлемдерін кейінге шегеру шаралары қабылданған. Диқандарға егіс жұмыстары үшін қосымша 420 млрд. теңге қаржы бөлінді.

Мемлекет басшысының инфрақұрылымды қаржыланды­ру, фермерлерді субсидиялау, цифрлық технологияларды ен­гі­зу, маман даярлау бойынша қойған міндеттері біздің өңірі­міз­де сәтті жүзеге асып келе­ді. Жоғары өнім алу жолындағы басты қадам – заманауи техно­логияны кеңінен пайдалану. Со­ның ішінде биыл тыңайтқыш ен­гізу көлемін арттыруға баса мән беріліп отыр. Өңірде алқаптарға минералды тыңайтқыш қолдану бойынша бейінді министрлік қойған меже толық орындалған. 3 млн. гектар жерге 250 мың тон­на тыңайтқыш сіңіріліпті.

Саладағы табысты жұмыс­тың тағы бір талабы – техника­ларды жаңарту. Алқаптарға дән себуден бастап, жиын-терімге дейінгі жұмыстардың жылдам жүруі заманауи техниканың жет­кі­лікті болуына байланысты. Биыл өңір диқандары жалпы құны 80 млрд. теңге болатын 3 мың жаңа техника алады деп болжанған. Қызылжар дала­сын­да астық оратын 7,5 мың комбайнның 4 мыңы өнімділігі жоғары техника саналады.

Биыл облыста 6,2 млн. тон­на астық пен 774 мың тонна майлы дақыл жиналған. Алдың­ғы қатарлы шаруашылықтарда гектар берекелігі 50 центнерден асты. Мұның бәрі тек жаңбырлы жаздың ғана емес, сапалы тұ­қым сеуіп, мол көлемде тыңайт­қыш енгізіп, техника жаңарту­дың арқасында мүмкін болып отыр.

Бүгінде Қызылжарда тек ас­тық сатып қана қоймай, мал ша­руашылығын дамытып отырған серіктестіктер көбейіп келеді. Соның арқасында 2018 жылдан бері өңірдегі сүт фермалары­ның қатары жоғары қарқынмен артып, бүгінде 106-ға жеткен. Өңір бойынша саладағы жалпы өнімнің жартысы мал шаруашы­лығының үлесінде. Ауыл шаруашы­лығы өнімдерін өңдеу бойынша Қызылжар өңіріндегі жұмыстар өзге облыстарға үлгі.

Саладағы оң өзгерістер мен же­місті жобалар туралы облыс әкімі Ғауез Нұрмұхамбетов атап өтті.

– Сіздерді ауыл шаруашы­лы­ғы қызметкерлері күнімен шын жү­ректен құттықтаймын. Күз маусы­мы дала еңбеккерінің мерейі та­сып, абыройы асқақтайтын ке­зең. Биыл өңір диқандары бидай­дан мол өнім жинады. Ел қамба­сы алтын дәнге толды. Еліміздің азық-түлік қауіпсіздігін қамтама­сыз етіп отырған азаматтарға бас иіп, алғыс айтамыз. Жуырда өңір делегациясы елордада Мемле­кет басшысының қатысуымен өт­кен ауыл шаруашылығы еңбек­керлерінің бірінші форумына қа­тысты. Президент салада көпте­ген өзгерістер орын алып, еліміз бірқатар жетістіктерге жеткенін атап өтті. Қасым-Жомарт Тоқаев саланы қаржыландырудың қол­же­тімділігі, агроөнеркәсіптік ке­шенде индустрияландыруды жалғастыру, ауыл шаруашылығы ғылымдары мен селекцияны жандандыру, ілгері технологияларды кеңінен пайдалану, экс­порттық әлеуетті нығайту сияқты міндеттер қойды, – деді өңір бас­шысы.

Ғауез Торсанұлы Президент тапсырмасына сай шаруаларды қолдау шараларының тиімділігі артатынын жеткізді. Енді жеңілдетілген несие көлемін желтоқ­сан айынан бастап есептеуге бо­лады. Оған қоса, бұрын шаруа­ларға қысқа мерзімді қарыздар берілсе енді төлем мерзімі ұзарып, ортамерзімді несие алуға мүмкіндік бар. Өңірде ауыл шаруашылығы өнімін өңдеу бағытында да жүзеге асып жатқан ірі жобалар аз емес. “Масло-Дел” се­ріктестігі 370 мың тонна майлы да­қыл өңдейтін ірі зауыт салып жатыр. Өнімнің 80 пайызы сырт­қа жөнелтілмек. “Зенченко және К” компаниясы майлы дақыл­дар­ды өңдеу цехын ашып, сүт зауытын жаңғыртпақ.

– Күрделі жағдайға қарамас­тан диқандар соңғы 13 жылда бол­маған жоғары көрсеткішке жетті. “Зенченко”, “Салют”, “Ақ жер-2010”, “Саумалкөл Агро”, “Но­ғайбай” сынды серіктестіктер гектар берекелігі бойынша алға шықты. Дақылдардың өнімділігі­нің жоғарылауына тұқым сапасы да әсер етуде. Жыл сайын об­лыс­та элиталық тұқым себу көле­мі артып келеді. Биыл бұл көрсет­кіш 10,1 пайызға жетті. Минерал­ды тыңайтқыш сіңіру бойынша өңі­ріміз республикада бірінші орында. Көктемгі жұмыстарға бөлі­нетін қаржының 3 есе артуы же­ңілдетілген несиені қолжетімді ете түсті, – деді облыс әкімі.

Мерекелік шарада “Атаме­кен-АгроКорнеевка” серіктесті­гі­нің директоры Александр Фа­деевке “Құрмет” ордені табыс­тал­ды. ІІІ дәрежелі “Еңбек даңқы” орденімен “Астық-СТЕМ” жауап­кершілігі шектеулі серіктестігінің механизаторы Естай Мұратов, “Белое-Агро” серіктестігінің бас­қа­ру­шысы Алексей Левин, “Қа­зақстанның астық консорциумы” жауапкершілігі шектеулі серік­тес­тігінің бас агрономы Анатолий Сарницкий марапатталды. “За­падное-СК” серіктестігінің дирек­торы Бауыржан Қалдыбаев пен “Қайыңды” серіктестігінің жүргізу­шісі Рамазан Шамурин “Ерен ең­бегі үшін” медалінің иегері атан­ды. Ал бейінді министрліктің “Еңбек ардагері” медалі ардагер Са­парбек Қалиев, “Рузана” қожалығының басшысы Әлібай Оспа­нов, “Колос” серіктестігінің директоры Ғалымтай Құрақбаев сын­ды азаматтардың кеудесіне та­ғылды. Сонымен қатар өзге де се­ріктестік басшылары, ветеринар, механизатор, сауыншы, агроном, жүргізушілерге “Ауыл шаруашы­лығы саласының үздігі” төсбелгі­сі, өңір басшысының және Ауыл шаруашылығы министрлігінің Құрмет грамоталары мен Алғыс хаттары табысталды.

– Серіктестіктің 20 мыңнан ас­там гектар егістік жері бар. Оны­мен қоса тұқым шаруашылы­ғымен айналысамыз. Биыл 1400 гольштин тұқымды ірі қараға ар­налған ферманы іске қостық. Ша­руашылық 160 адамды жұмыс­пен қамтып отыр. Өзімнің осы са­ланың айналасында жүргеніме 20 жылдан асты. Азды-көпті ең­бе­гімнің еленіп жатқанына қуа­ныш­тымын, – дейді Есіл ауда­нын­дағы “Атамекен-Агро-Корнеевка” серіктестігінің басшысы Александр Фадеев.

Диас АЯҒАН,

“Soltüstık Qazaqstan”.

Суреттерді түсірген

Шыңғысхан БЕКМҰРАТ.