Петропавлдағы Жастар сарайында “Арай” халықтық би ансамблінің есеп беру концерті өтті. Өнер ұжымының концертін тамашалауға келгендердің қатары қалың болды.
Жарты ғасырдан астам тарихы бар ансамбль осы уақыт бедерінде талай өреннің өнеріне қанат бітіріп, олардың шыңдалуына жол ашты. Бүгінде ұжымда 100-ден астам биші өнер көрсетеді.
Ансамбльдің көркемдік жетекшісі, тәжірибелі тәлімгер Диляра Сабырова концертте мың бұрала билеген қыздардың өнерін жұртшылық жылы қабылдағанын жеткізді.