С. Мұқанов атындағы облыстық қазақ сазды-драма театры жазушы Жүсіпбек Аймауытовтың 135 жылдығына орай Павлодар қаласында ұйымдастырылған “Ертіс-Баян” республикалық театрлар фестивалінде өнер көрсетті. Аталмыш фестивальде театр әртісі Ислам Жақсылық “Ең үздік ер адам бейнесі” аталымын жеңіп алды. Жерлестеріміз фестивальде “Шинель” спектаклін сахналады. Қойылымның режиссері – Баатр Колаев. Актер Ислам Жақсылық Акакий Акакиевичтің рөлін сомдап, үздіктердің қатарынан …
Мұхтар Әуезовтің өмірбаянында толық ашылмай, тиянақ таппай жүрген кезеңнің бірі – 1922 жыл және оның Орынбордан Тәшкенге қай уақытта, не себеппен келгені. Өзі жазған өмірбаянында: “ҚазОАК (КазЦИК) төралқасы мүшесі ретіндегі үлкен лауазымды қызметтен 1922 жылы партия органдары мен үкіметтің рұқсатынсыз кеттім…” деп жазады. Алдымен осы қызметке қалай, қашан келгендігі туралы деректерді қарайық. Қазақстанның орталық архивіндегі …
Ақан сері атындағы облыстық филармонияда “Қозы Көрпеш – Баян сұлу” атты хореографиялық қойылым көрсетілді. Шарада филармонияның “Туған жер” ансамблінің бишілері өз өнерлерін көрсетті. Бұл қойылымның ерекшелігі – өнерпаздар оқиғаны, кейіпкерлердің ішкі сезімдерін би арқылы жеткізді. “Қозы Көрпеш – Баян сұлу” пластикалық спектаклінің режиссерлері – Самат Жұмажанов пен Максим Тонков. Қос ғашықтың сезімін, қойылымның сюжетін, кейіпкерлердің …
Халқымызда “Жақсының аты, ғалымның хаты өлмейді” деген қанатты сөз бар. Қасиетті Қызылжар топырағынан жасындай жарқыраған небір дарындар түлеп ұшқан. Тарихта есімі алтын әріппен жазылған тау тұлғалы қайраткерлердің қатарында Баймағамбет Ізтөлин де бар. Баймағамбет Ізтөлин 1899 жылы Петропавл уезіндегі Аққусақ болысына қарасты Шәліңке ауылында (қазіргі Жамбыл ауданы) орта шаруалы отбасында дүниеге келген. Ең алғаш ауыл молдасы …
С.Мұқанов атындағы облыстық қазақ сазды драма театрының қоржыны тағы бір қойылыммен толықты. Көрермен назарына ұсынылған “Қол” атты қойылымға адамзатты алаңдатқан жемқорлық мәселесі арқау болған. Пьесаның авторы – жазушы Сая Қасымбек. Спектакльдің тұсаукесеріне жиналған халықтың қарасы қалың болды. Олар ең алдымен өнер ордасының фойесіндегі фотокөрмені тамашалады. Бөтеннің мүлкін иемденуді, өз пайдасын ғана ойлауды әдеттеріне айналдырған жандардың …
Ғ.Мүсірепов атындағы облыстық балалар мен жасөспірімдер кітапханасында белгілі журналист, жазушы Бақыт Мұстафинды еске алу кеші өтті. Жиынға жазушының зайыбы, әріптестері мен мектеп оқушылары қатысты. Артына өшпес із, өлмес мұра қалдырған қаламгер саналы ғұмырын журналистика саласына арнады. Облыстық “Soltüstık Qazaqstan” (бұрынғы “Ленин туы”) газетінде 45 жыл табан аудармай жұмыс істеген журналисттің басылымның дамуы мен гүлденуіне қосқан …
Біз ең алғашқы музыка, әдеби туындылар мен қойылымдардың қай уақытта пайда болғанын білмесек те, адамзат баласының бірінші қолына құрал алып, ойындағысын ою-өрнектер арқылы бейнелей бастаған кезін болжай аламыз. Бұған алысқа бармай-ақ қазақтың кең даласында қалған тастағы ою-өрнектер де дәлел бола алады. Қазақ даласында ою өнері басты құндылықтардың біріне айналып, көшпенділердің өміріне етене еніп кетті. Бұл …
Қазақ музыка өнерінде Қазақстанның халық әртісі, Мемлекеттік сыйлықтың иегері Жүсіпбек Елебековтің орны ерекше. Ол – дәстүрлі кәсіби ән мектебінің негізін қалағандардың бірі. Дара дарын иесінің тағылымды өмір жолы өзгелерге өнеге. Қазақтың классикалық ән өнерін насихаттауға зор үлес қосқан дара тұлғаның туғанына биыл 120 жыл толып отыр. Сан ғасырдан бері қазаққа құтты қоныс болған, Алашқа айбын …
Балалық шағымның мәңгі ұмытылмас ізі қалған туған ауылымды елжірей еске алсам, кез алдыма тезек жағып, бәтір нан пісіріп, қара қазанды қайнатып, жұмыстан қалжырап келетін әкеме тамақ әзірлеудің қамымен, одан босаса, таң азаннан кеш батқанға дейін тынымсыз тірліктен қолы босамайтын анамның мейірімге толы әжімді жүзі келеді. Тете өскен біздер сабақтан шыға сала үйге жеткенше құлдыраңдай жүгіреміз. …
Сарыарқаның сайын даласын дүбірге бөлеген Дүниежүзілік көшпенділер ойындары жүзге жуық елден келген кіл мықтылардың басын қосып, ауқымды спорт бәсекесіне айналды. Астана төрінде кешегі бабаларымыздан мирас болып қалған ұлттықсайыс түрлері әлемдік деңгейге көтеріліп, байрағымыз биіктен желбіреді. Көшпенділер ойындары тек спортшылар бас қосатын шара емес, сонымен қатар өнер мен мәдениеттің қайнаған базарына айналып отыр. Бірінші күндегі ашылу …
Кезінде Алаш қайраткері Ахмет Байтұрсынов “Ұлттың сақталуы мен жоғалуына да себеп болатын – халықтың өзі. Тілі жоғалған ұлттың өзі де жоғалады” деген еді. Осы бір сөздің астарында терең ой жатыр. Ұлттың басты құндылығы – тілінде екенін айтқан Алаш көсемінің айтқаны бүгін де маңызын жойған жоқ. Өйткені, тіл тағдыры – ұлт тағдыры, тіл тарихы – ел …
Ақжар ауданындағы Горьковское ауылында жаңа салынған Мәдениет үйі пайдалануға берілді. Түтіні түзу ұшқан ауыл тұрғындарының қуанышында шек жоқ. Жаңадан ашылған Мәдениет үйінде ауылдың дарынды өрендері өз өнерлерін шыңдауға мүмкіндік алады. Енді мұнда концерттер де жиі өтетін болады. Өйткені бұл ауылда бұрын-соңды мұндай мәдени нысан болмаған. Ал ән мен жыр, биге құштар жастар өз өнерлерімен тұрғындарды …
Қазақтың әні мен күйі – халқымыздың көне заманнан бері қалыптасқан асыл қазынасы. Ата-бабамыздан бүгінге жеткен сол асыл қазынаны, рухани мұраны дәріптеуге “Алтын домбыра” қазақ ұлт аспаптар ансамблі зор үлес қосуда. Белгілі ақын Қадыр Мырза Әлі “Нағыз қазақ – қазақ емес, нағыз қазақ – домбыра” деп жырына арқау еткендей, ұлттық аспапты ардақтап, сайын дала төсін сазға …
Есімі алты Алашқа жайылған сазгер, әнші, ақын Біржан сал Қожағұлұлының кей деректерде 1831 жылы өмірге келгендігі айтылады. 1897 жылы дүниеден озған. Ақселеу Сейдімбек, Мырзатай Жолдасбекұлы, Қойшығара Салғараұлы шығарған “Елтұтқа” атты кітапта: “Қожағұлұлы Біржан (1825-1897) – қазақ халқының әйгілі әнші-композиторы, ақын. Туған жері – Солтүстік Қазақстан облысының Жамбыл ауданына қарасты Жаңажол ауылы. Ал Ақмола облысының Еңбекшілдер …
“Жаным Отан, сырың – сан. Өлшемің – мың Сен – бір ғарыш, мен – сенің жер серігің. Сен деп соққан жүрегі, жаны – сенде, Перзентіңмін – бір түйір бөлшегіңмін!”, – деп жырлаған жерлесіміз, мемлекет және қоғам қайраткері, жазушы, публицист, рәмізтанушы Ербол Шаймерденовтің қазақ мәдениетінде, қазақ сөз өнерінде, қазақ журналистикасында есімі ерекше аталады. Сәулелі ғұмырында саналы, …
Сәбит Мұқанов атындағы облыстық ғылыми-әмбебап кітапханада қазақ поэзиясында өзіне тән қолтаңбасы бар қаламгер Тоқтар Зікіринді еске алу кеші өтті. Көзі қарақты оқырманға ақын әрі журналист ретінде таныс талант иесі топырақтан тысқары болса биыл 75 жасқа толар еді. “Поэзия әлемінің дарабозы” атты әдеби кешке ақынның отбасы, зиялы қауым өкілдері мен жас ақындар қатысты. Шара барысында ақынның …
Петропавл қаласындағы Назарбаев зияткерлік мектебінің екі оқушысы Ташкентте өткен “Daryndy Zhuldyzdar” V халықаралық өнер байқау-фестивалінде бас жүлде иеленді. Ясмин Жетпісбаева “Бейнелеу өнері” аталымында ең жоғары марапатқа ие болса, Дарина Алшын “Сәндік – қолданбалы өнер” аталымында жүзден жүйрік атанды. Дарина Алшын байқауға Қожа Ахмет Ясауи кесенесіне арнаған “Рухани бейбітшілік аймағы” атты киізден жасалған триптихін ұсынды. Дарина …
Қазақ халқы әртүрлі тарихи оқиғаларды бастан кешірді. Бірде “қой үстіне бозторғай жұмыртқалаған” алтын дәуірде өмір сүрсе, енді бірде жоңғар шапқыншылығы, ашаршылық немесе сталиндік қуғын-сүргін сынды ауыр заманды да көрген. Әсіресе қазақ халқының діні мен діліне, мәдениеті мен әдебиетіне тигізген кесірі орасан болды. 1937-1938 жылдары мұсылман дінбасылары да репрессияға ұшырағанын айта кеткен жөн. Солтүстік өңірде діни …
“Soltüstık Qazaqstan” газетінде “Сенбілік бет”, “Мағжан”, “Өлең – өмір өзегі” атты айдарлармен жерлес ақындарымыздың өлеңдері жарық көріп тұрады. Сол авторлардың бірегейі – ақын, Қазақстан Жазушылар одағының мүшесі Тоқтар Зікірин өз қоршаған ортасын айна-қатесіз қағаз бетіне түсіре білетін қабілетімен оқырмандар қауымының жүрегіне жол табатын. Қазақ тілі мен әдебиеті пәндерінің мұғалімі болған соң көптеген қаламгерлердің шығармаларымен танысып …
Жуырда Көкшетау қаласында Ақмола облысының 85 жылдығына орай “Көркіңнен айналайын, Көкшетауым” атты аймақтық өнер фестивалі өтті. Бұл шараға Астана қаласы мен Қостанай, Қарағанды, Павлодар, Солтүстік Қазақстан және Ақмола облыстарынан өнерпаздар қатысты. Тұмса табиғатымен танымал Көкше жерінің сұлулығы мен ұлы тұлғаларын насихаттау, шығармашылық ұжымдар, орындаушылар арасында тәжірибе алмасу, мәдени байланысты дамыту мақсатында ұйымдастырылған фестивальдің іріктеу кезеңінен …
