Облыс орталығындағы Астана көшесі, 39 мекенжайындағы бесқабатты тұрғын үйде өрт шыққан. Сол кезде “Апаттар медицинасы орталығы” облыстық филиалының мамандары дер кезінде жетіп, үйдің ішіндегі ер адамды қызыл жалыннан құтқарып қалды.
Жолда тыныс алуы қиындай түскен ер адамға фельдшерлер дер кезінде көмек көрсетіп, №3 қалалық ауруханаға жеткізді.
Бес жылдан бері жұмыс істеп келе жатқан “Апаттар медицинасы орталығы” облыстық филиалының мамандары жол-көлік оқиғасы, өрт, су тасқыны, тағы басқа төтенше жағдайлар кезінде жүздеген адамның өмірін құтқарды. Филиалда білікті, тәжірибесі мол медициналық қызметкерлер жұмыс істейді. Күн сайын олар адамның жүрегі тоқтап қалғанда, бір жері сынғанда, басқа да жағдайларда қалай әрекет ету керектігін үйрететін жаттығу жұмыстарына қатысады. Оның үстіне шараларына мектеп оқушылары мен ересектерге оқыс оқиға кезінде дәрігерге дейінгі көмек көрсетуді де үйретеді.
Тайынша ауданындағы Келлеровка ауылында орналасқан жолдағы жедел құтқару орталығы “Апаттар медицинасы орталығы” облыстық филиалының құрамына кіреді. Онда жол-көлік апатына ұшыраған азаматтарға тәулік бойы медициналық көмек көрсетіледі.
Талғат ЖАНТІЛЕСОВ,
“Апаттар медицинасы орталығы” облыстық филиалының фельдшері.