Семей қаласында Кеңес Одағының бокстан спорт шебері Мұрат Бекежанов пен кикбоксингтен халықаралық дәрежедегі спорт шебері Асылхан Бусурмановты еске алуға арналған ел біріншілігі өтті. Дүбірлі сайысқа 2005-2006 жылдары туған 340-қа жуық бозбала мен бойжеткен қатысты.
Жарыста өңір намысын қорғаған кикбоксшыларымыз 1 алтын және 3 қола медаль еншіледі. 48 килограмм салмақ дәрежесінде Таласпай Қасымов фул-контакт ережесі бойынша сайысқа түсіп, чемпион атанды. Ал лоу-кик ережесіне сәйкес өнер көрсеткен Ақрамжан Оразаев (71 кг.) пен фул-конакт бойынша сыналған Ерсұлтан Қалиахметов (81 кг.) қола медаль иеленді. Ал қыздар арасындағы бәсекеде +60 килограмм салмақ дәрежесінде фул-конакт ережесі бойынша сынға түскен Меруерт Білден үздік үштікті түйіндеді.
Аманжол НҰРТАЗИН.