Орал қаласында дзюдодан ел біріншілігі өтті. Республикалық жарыста “Қызылжар арландары” клубының 3 бірдей спортшысы қанжығаларын майлап қайтты.
Алдымен ерлер арасында Ерсұлтан Мұзаппаровтың айы оңынан туды. Ол 90 килограмм салмақ дәрежесінде сынға түсіп, тек финалда қарсыласына есе жіберді. Нәтижесінде күміс медальді еншіледі. Бұрымды балуандар да жүлдегер атанды. 48 килограмда 16 спортшы өзара мықтыны анықтады. Қуанышымызға қарай, жерлесіміз Ділназ Асылхан қола жүлдегер атанды. 78 килограмм санатындағылар арасынан Назгүл Маратоваға да осындай марапат бұйырды.
Аманжол НҰРТАЗИН,
“Soltüstık Qazaqstan”.