“Сары” аймақтамыз

Soltüstık Казахстан

 Kyzylzhar_akparat@mail.ru

№2 қалалық емханада жасөпірімдер АҚШ-тың “Pfizer” вакцинасын алды. Жалпы өңірде жүкті, сәбиі бар аналар мен балалар вакциналау науқанына белсенді қатысуда.

№2 қалалық емхана бас дәрігері­нің емдеу ісі жөніндегі орынбасарының міндетін атқарушы Бе­гайым Мейманованың айтуынша, медициналық ұйымға 582 доза вакцина жеткізілген. Қазіргі таңда 12 жастан 18 жасқа дейінгі 215 бала мен жасөспірім, 4 жүкті әйел, 33 ана екпе алып үлгерді. Емдеу мекемесінде аталмыш вакцинаның 330 дозасы бар.

– “Pfizer” вакцинасын балалар мен жасөспірімдерге қоймас бұрын ата-аналардың рұқсаты алынады. Бүгінде аталмыш вакцинаны алғандардың жағдайы жақсы. Асқынулар мен шағымдар бол­ған жоқ, – деді Бегайым Мейманова.

Қазір өңірде эпидемиологиялық ахуал тұрақты. Облысымыз “сары” аймақта тұр. Желтоқсан айының 5-і күнгі мәлімет бойын­ша коронавирус инфекциясын жұқтырудың 68 жағдайы тіркелді. Петропавл қаласында ауру жұқтыру көрсеткіші жоғары. Ғабит Мүсірепов атындағы, Жамбыл, Мағжан Жұмабаев, Мамлют, Тимирязев аудандарында бір науқастан анықталды.

Ақмарал ЕСДӘУЛЕТОВА,

“Soltüstık Qazaqstan”.