Soltüstık Казахстан
Kyzylzhar_akparat@mail.ru
Облысымызда өткен “Қар” жедел-алдын алу іс-шарасы аясында тәртіп сақшылары тіркелмеген атыс қаруын сақтаудың екі фактісін анықтады.
Тайынша ауданындағы 52 жастағы тұрғынның үйінен полицейлер “ИЖ-54” тегіс ұңғылы аңшы мылтығын тапты. Ауыл тұрғыны қару-жарақты қонақ бөлмедегі диванның астында сақтаған. Ол қауіпті затты екі жыл бұрын қайтыс болған әкесінің үйінен алып келіпті.
Ал Есіл ауданында 67 жастағы жергілікті тұрғын шкафта тіркелмеген “ИЖ-18М” мылтығын ұстаған. Ол мылтықты өткен күзде орманнан тауып алыпты. Екі мылтық та Ішкі істер министрлігінің деректер базасы бойынша тексерілді. Құқық бұзушыларға қатысты хаттамалар толтырылып, олар жауапкершілікке тартылды.
Әсет ҚАНАФИН.