Soltüstık Казахстан
Шілде айының соңғы сенбісінде Петропавл қаласы маңындағы “Березка” жазғы демалыс базасында “Қазпошта” акционерлік қоғамының 30 жылдығына арналып, спорттық дода ұйымдастырылды. Оған сала мамандары қатысты. Жарыс спорттың жеті түрі – футбол, волейбол, гір спорты, тартылу, үстел теннисі, дартс, ұзындыққа секіруден өтті.
“Қазпошта” облыстық филиалының басшысы Нұркен Рүстем өзінің құттықтау сөзінде мұндай шараны өткізудегі мақсат сала еңбеккерлерін саламатты өмір салтына тартумен қатар, қызметкерлер арасындағы достық байланыс пен еңбек ұжымдарында микроклиматты жақсартады деген пікірін жеткізді.
Солтүстікқазақстандық филиал биылғы бірінші жартыжылдықтың қорытындысы бойынша елдегі пошта бөлімдерінің арасында үздік деп танылған.
Жарыс бар жерде, жеңімпаздар да анықталады. Бұл жолы арнайы байланыс бөлімінің командасы жеңіске жетті. Екінші орынды – облыстық филиалдың, үшінші орынды Айыртау және Тайынша аудандарының командалары бөлісті.
Жеке біріншіліктің де өз жеңімпаздары болды. Оларға да бағалы сыйлықтар мен грамоталар табыс етілді. Спартакиадаға 150-ге жуық спортшы қатысты.
Ақ-Ләйлек ЖАУКИНА.