Темекіні көп шегетін өңір

Soltüstık Казахстан

 Kyzylzhar_akparat@mail.ru

Қазақстанда бір отбасы темекі өнім­деріне жылына 12 мың теңгеден астам қаражат жұмсайды екен. “EnergyProm” деректері бойынша жыл басынан бері елімізде жалпы құны 11,6 млрд. теңге болатын темекі, сига­рет, папирос және басқа да осыған ұқсас бұйымдар өндірілген.

Бұл өткен жылдың сәйкес кезеңі­мен салыстырғанда 1,3 пайызға аз. Бірақ 2023 жылдың жеті айында жер­гілікті компаниялар темекі түрлеріне деген сұранысты 58,7 пайыздың ор­нына 76,3 пайызға қамтамасыз еткен. Импорттың үлесі 23,7 пайызды құ­райды, яғни, елге 3,1 млрд. теңгенің темекі бұйымдары әкелінген. Экс­портқа 2,8 млрд. темекі өнімдері жө­нелтілген. Ішкі нарықта сату бір жылда 23,4 пайызға болмаса 10,2 млрд. теңгеге қысқарған.

Ал осы жылдың екінші тоқсанында темекі өнімдеріне үй шаруашылық­тарының шығыстары бір жылда 12,2 пайызға өскен. Темекіні ең көп шегетін өңір – Солтүстік Қазақстан облысы­. Әр отбасы темекі өнімде­ріне орта есеппен 23 мың теңге жұм­саған, бұл өткен жылмен салыстыр­ғанда 18,3 пайызға артық. Үштікке Ақмола (22,7 мың теңге) және Қарағанды (20,8 мың тең­ге) облыстары кіреді.

Маңғыстау облысының тұрғын­дары темекі өнімдеріне жылына орта есеппен 3,5 мың теңге ғана жұмсаған.

Диас АЯҒАН,

“Soltustik Qazaqstan”.