Soltüstık Казахстан
Облыс полицейлері екі апта бойы “Қару иесі” акциясы аясында жұмыс істеді. Осы уақыт ішінде тәртіп сақшылары 4275 адамды (облыстағы барлық азаматтық қару иелерін) тексерді. Аудандардағы шалғай елді мекендер де тәртіп сақшыларының назарынан тыс қалмады.
Облыстың 29 тұрғыны қаруды сақтау ережелерін бұзғаны үшін жауапқа тартылды. 21 адам қаруларын белгіленген мерзімде қайта тіркемеген. Сондай-ақ, тегіс ұңғылы аңшылық мылтықтарды заңсыз сақтаудың 8 фактісі анықталды. Барлық тәртіп бұзушыларды полиция әкімшілік жауапкершілікке тартты.
16 калибрлі тіркелмеген “ТОЗ” мылтығын өз еркімен тапсырған Петропавл қаласының 49 жастағы тұрғыны жазадан құтылды. Ол бұл қаруды Борки ауылының орман алқабынан тауып алған.
Игорь МЕРЦАЛОВ,
облыстық полиция департаменті ішкі және сыртқы коммуникациялар бөлімінің жетекші маманы.