Ақжар ауданының Талшық ауылындағы “Талшық Астық LTD” жауапкершілігі шектеулі серіктестігіне қарақшылық шабуыл жасағандар іздестірілуде.
Кешкі уақытта белгісіз төрт адам серіктестікке басып кірген. Аң аулайтын шолақ мылтыққа ұқсас қарумен кәсіпорын басшысын қорқытып, 170 миллион теңгеден астам ақша мен екі ұялы телефонды қолды қылған.
Аталған факті Қылмыстық кодекстің “Қарақшылық” бабы бойынша сотқа дейінгі тергеп-тексерудің бірыңғай тізіліміне енгізілді. Қылмысты жедел ашып, күдіктілерді анықтауды облыстық полиция департаментінің бастығы, полиция полковнигі Марат Төлебаев және облыстық прокуратура басшылығы өз бақылауына алды. Жедел-іздестіру шаралары қолға алынып, полиция ведомствосының барлық жасағы қылмыскерлерді іздеуге жұмылдырылды.
Динара САҒЫНДЫҚОВА,
облыстық полиция департаменті баспасөз қызметінің аға инспекторы.