Soltüstık Казахстан
Түркияда велоспорттан “Түркия туры” көпкүндік жарысы өтуде. Оған “Astana Qazaqstan team” клубының көшбасшысы Алексей Луценко қатысып, сайыстың үшінші кезеңінде жеңіс тұғырына көтерілді.
Азия ойындарының төрт дүркін чемпионы 104,1 шақырымдық қашықтықты 3 сағат 34 минут 17 секунд ішінде бағындырып, Бабадаг шыңына бірінші болып жетті.
– Бұл жарыс өте қиынға соқты. Мәре тым биікте болды. Әр метр сайын жоғарылай берді. Әріптесім Харольд Техада маған көп көмектесті. Бес жыл бұрын алған күмісімді биылғы “Түркия турының” алтынына ауыстырғым келеді. Бірақ бұған қол жеткізу оңай болмайды, өйткені әлі де көптеген қиын кезеңдер бар. Дегенмен жеңіске жету үшін барымды саламын, – дейді Алексей Луценко.
“Түркия туры” көпкүндік жарысының үшінші турында екінші орын неміс спортшысы Бен Звиехофқа бұйырса, үшінші сатыға “Astana Qazaqstan team” командасының тағы бір өкілі, колумбиялық Харольд Техада жайғасты.
Жерлесіміз жалпы есепте де топ бастап келеді.
Аманжол НҰРТАЗИН,
“Soltüstık Qazaqstan”.