Day: Маусым 15, 2017

Үстіміздегі жылдың 28 маусымында Парламент Сенаты депутаттарының сайлауы өтеді. Оған біздің өңірімізден тіркелген үміткерлер сайлауалды үгіт-насихат жұмыстарына кірісіп кетті.

Бұрнағы күні облыстық мәслихат ғимаратының шағын залында Мемлекеттік қызмет істері және сыбайлас жемқорлыққа қарсы іс-қимыл агенттігі облыстық департаментінің төрағасы Ғалым Тұрсынбаев өткізген Әдеп кеңесінің кезекті отырысында қаралған он жеті мәселенің сегізі әкімшілік іске қатысты болды.

Облыс әкімі Құмар Ақсақалов үстіміздегі оқу жылында өңіріміздегі білім беру мекемелерін тамамдаған жетім және ата-ана қамқорлығынсыз қалған балалармен кездесіп, болашақ жоспарлары жайлы әңгімелесті.

Алтыншы шақырылымдағы облыстық мәслихаттың кезекті он төртінші сессиясына облыс әкімінің бірінші орынбасары Айдарбек Сапаров қатысты. Депутаттардың талқылауына 2016 жылғы облыстық бюджеттің, Жамбыл және Мамлют аудандарында 2016-2020 жылдарға арналған облыс аумағын дамыту бағдарламасының орындалу барысы және өзге де мәселелер ұсынылды.

  Облыс әкімі Құмар Ақсақалов “ForteBank” акционерлік қоғамының басқарма төрағасы Мағжан Әуезовпен кездесті. Жиын барысында облыстық әкімдік пен қаржы ұйымы арасында өзара ынтымақтастық туралы меморандумға қол қойылды.